एउटा रुखमै करिब ३ सय किसिमका फल
भारत को लखनउ सहरमा एउटा युनिक आँपको रुख छ जसको एउटा रुखमै करिब ३ सय किसिमका फल फल्दछन् ।
लखनउका बासिन्दा हाजी कलीम उल्लाह खानले निकै मेहेनत लगाएर सो आँपको बोट तयार गरेका हुन् । उनले ग्राफ्टिङ प्रविधिको सहयोगमा सो आँपको रुख तयार गरेका हुन् ,जसमा अहिले विभिन्न तीन सय थरीका आँप फल्ने गरेका छन् । त्यो अनौठो आँपको बोट तयार पार्ने हाजी कलीमलाई तत्कालीन भारतीय राष्ट्रपति प्रतिभा पाटिलले पद्मश्री सम्मान प्रदान गरेकी थिइन् ।
यो रुखको रहस्य जान्नका लागि जापानी वैज्ञानिकहरुको एक टोली पनि त्यहाँ गएको थियो । सोे रुख रोपेर हुकाउने हाजी कलीमका अनुसार उनले पहिलोपटक १७ वर्षको छँदानै एउटा यस्तो वनस्पती तयार गरेका थिए जसमा सात किसिमका फल लाग्दथे । त्यसैले हाजी कलीम म्यांगो म्यानको नामले पनि चिनिन्छन् ।
यो बोटमा फल्ने आँपलाई टिपेर बेचिँदैन । हाजी कलिमले बाँकी रहेका खानेकुराहरु त्यहाँका विभिन्न मानिस...
